Xeografía con esquinas: 09/23/09

miércoles, 23 de septiembre de 2009

Ás veces, só ás veces...os poemas necesitan ser recitados, sen voz vólvense miudiños,esquencidos, sen esquinas.

Encher espacios..

Hoxe espertei co sol brincando na miña cara
comprendín que o amencer buscábame
Quero ter unha hortiña
chea de frores, de berzas, caracois,
de mapoulas, tomates, caraveis
Espertar cedo, correr, poñer as botas de goma.
Coa sacha, remover a terra.
Co corazón, remover a leira
Teño que ir ó colexio, á oficiña,
comprar pan, leite, aspirinas.
Teño que marchar á tenda mercar roupa,
iogures, carne, peixe e escarola.
Que remate a xuntanza, nada entendo.
Hoxe quero vivir á marxe do tempo,
ir co pano no pelo, deitarme na herba,
saudar ós veciños, coller peras.
Quero ter unha hortiña,
ficar alí entre terra, bechos e morriña.
Prantala, sachala,
respirar ó carón da vida.

Xeografía con esquinas

miércoles, 23 de septiembre de 2009

CANCION DE CHEL

TRADUCTOR